११५ पाठक संख्या जीतपुर :जीतपुरसिमरा उपमहानगरपालिकाको वडा न १४ ले आफ्नो वडा भित्र रहेका सुत्केरी महिलालाई पोषण भत्ता र सर्पदंशका बिरामीलाई उपचार खर्च स्वरुप नगद रकम हस्तान्तरण गरेको छ ।आईतबार एक कार्यक्रमको आयोजना गरेर वडा न १४ रजघट्टाको कार्यालयले सुत्केरी महिलालाई पोषण र स्याहार खर्च स्वरुप १० हजार र सर्प दंशको बिरामीलाई उपचार खर्च स्वरुप १० हजार रकम प्रदान गरेको छ ।
सुत्केरी पोषण रकम बितरणका लागी वडा न १४ ले आवेदन माग गरेको र आबेदन परेको ६० जनालाई सुत्केरी पोषण भत्ता वितरण गरिएको वडा कार्यालयले जनाएको छ । सुत्केरी महिलाहरुले रकम पाएसंगै वडाका सुत्केरी महिलाहरुले न्युनतम सुत्केरी अवस्थामा आफ्नो र सन्तानको लागी पोषणयुक्त खानेकुराको बन्दोवस्त गर्न सक्ने भएका छन् ।वडाध्यक्ष चयन गुरुङको अध्यक्षतामा सुरु भएको कार्यक्रममा पूर्व मन्त्रि ज्वाला कुमारी साह प्रमुख अतिथि रहेकी थिइन् ।
सुत्केरी महिलालाई पोषण भत्ता बितरण कार्यक्रममा बोल्दै पूर्व मन्त्रि साहले जीतपुरसिमरा उपमहानगरपालिकाको २४ वटै वडा मध्य मात्र १४ नम्बर वडाले पहिलो पटक सुत्केरी महिलाकोलागि भत्ता बितरण र सर्पदंशको बिरामीको उपचार खर्च उपलभ गराउनु गर्वको कुरा रहेको बताएकी थिइन् ।उक्त कार्यक्रमा वडा सदस्य लगाएत स्थानीयहरुको उपस्थिति रहेको थियो ।
प्रतिक्रिया दिनुहोस