३१६ पाठक संख्या रौतहट । रौतहटकोे सदरमुकाम गौरबाट प्रहरीले ४० किलो चाँदीसहित एक जनालाई पक्राउ गरेको छ ।
अस्थायी प्रहरी चौकी बसपार्कको प्रहरी सहायक निरीक्षक बडाबाबु प्रसाद यादवको नेतृत्वमा खटिएको प्रहरी टोलीले गौर बसपार्क क्षेत्रमा चेक जांच गर्ने क्रममा उक्त चाँदी सहित सर्लाहीको मलंगवा नगरपालिका वडा न २ को ३५ बर्षिय बिध्यानंद साहलाई पक्राउ गरेको हो ।
काठमाडौँ बाट गौर आएको ज्वाला डीलकश बस बाट बाहिर झर्दै गरेका साहलाई शंका लागेर चेक जांच गर्दा दुई वटा कालो झोलामा ल्याईएको बराबर २०÷२० किलो चाँदी सहित पक्राउ गरीएको हो ।
चाँदीका गहना र साहलाई थप अनुसन्धानका लागी जिल्ला प्रहरी कार्यालय रौतहटमा राखिएको र आवश्यक कारवाहीको लागि राजस्व अनुसन्धान कार्यालय पथलैया पठाउने तयारी भईरहेको प्रहरी नायब उपरीक्षक नारायण प्रसाद चिमोरियाले जानकारी दिनुभयो ।
प्रतिक्रिया दिनुहोस