जीतपुरसिमरा उपमहानगरपालिकाका नगर प्रमुख राजन पौडेलले निर्वाचनको समयमा गरिएको घोषणा पत्रमा लेखिएको सबै कुरा लागु गर्न नसक्ने बताउनुभएको छ । एपी खबरले सम्पती करको बारेमा जानकारी लिन गरेको फोन सम्पर्कमा उहाँले सबैकुरा घोषणा पत्रमा लेखिएको जस्तो नहुने बताउनुभएको हो ।
पुरानो सम्पती कर र वर्तमान सम्पती करको दरलाई हर्दा १५ करोड सम्म पुरानै र १५ करोड १ देखि २० करोड सम्पती हुनेलाई थप भार हुनेगरी करको दर कायम गरीएको छ । यस भन्दा पहिला १० करोड सम्म सम्पती हुनेले ३५ प्रतिशत र १५ करोड १ देखि २० करोड सम्मलाई ४० प्रतिशत सम्पती करको दर कायम गरीएको थियो ।
माओबादि र नेपाली कांग्रेसको संयुक्त गठबन्धनबाट मेयर राजन पौडेलले निर्वाचनको समयमा १००० प्रतिशत सम्पती करलाई खारेज गर्ने र सटर भाडा कम गर्ने जस्ता प्रतिबद्धता गरेपनि त्यस अनुसार लागु गर्न गराउन असमर्थ देखिएका छन् ।
आर्थिक वर्ष २०७८÷७९ मा ५ करोड १ देखि १० करोडसम्म ०.३.५ प्रतिशत, १० करोडदेखि २० करोडसम्म ०.४० प्रतिशत, २० करोडदेखि ५० करोडसम्म ०.४५ प्रतिशत करको दर रहेको थियो ।
यता नेपाली कांग्रेस र माओवादिको संयुक्त गठबन्धनबाट जीतेर आउनुभएका राजन पौडेलले ५ करोड १ देखि ७.५ करोडसम्म ०.२.५ प्रतिशत, ७.५ करोड १ देखि १० करोडसम्म ०.३० प्रतिशत, १० करोड १ देखि १२.५ करोडसम्म ०.३२ प्रतिशत, १२.५ करोड १ देखि १५ करोडसम्म ०.३५ प्रतिशत, र १५ करोड १ देखि भन्दा माथि ०.४० प्रतिशत करको दर कायम गरीएको छ । जुन घुमाउरो तरीकाले पहिलै कै करको दर रहेको राजश्व बिदहरुको भनाई रहेको छ ।
यसै सम्दर्भमा जीतपुरसिमराका मेयर पौडेलसंग गरीएको कुराकानिमा उहाँले करको दर कम गरेको बताउनुभएको छ । उहाँले पहिलेको तुलनामा हाल दर कम भएको बताउदै चुनावमा गरीएको सबै कुरा लागु गर्न नसकिने बताउनुभएको छ । उहाँले ऐनकानुन अनुसार अगाडी बढ्नुपर्ने भएकोले नगरसभाबाट पास भै आएको दरलाई नै आधिकारीता दिएको बताउनुभयो ।
एक फरक प्रसंगमा सम्पती करको बारेमा कार्यपालिकाले गरेको निर्णय अनुसार कायम नभएको भन्ने बारेमा उहाँले कार्यपालिकाको कुरा आफुलाई जानकारी नभएको बताउदै हाल भएकै करको दर फाईनल भएको बताउनुभयो ।
प्रतिक्रिया दिनुहोस