पुष्पराज खतिवडा, बारा २०७७ श्रावण ६, मंगलबार (३ साल अघि)
९११ पाठक संख्या अविरल बर्षासँगै नदि, खोला, पैनीहरुमा आएको बाढी र बर्षाले जिल्लाको जनजीवन प्रभावित भएको छ । जिल्लाका मूख्य गरी पसाह, बालगंगा ,दुधौरा तथा लालबकैया खोलामा आएको बाढिले विभिन्न स्थानका सयौं घर तथा हजारौं विगाह धानमा क्षेती पुगेको स्थानियहरुले बताएका छन् ।
जितपुरसिमरा उपमहानगरपालिका १६ धर्मनगर नजिकैबाट बालगंगा खोलाको बाढी पस्दा सोही उपमहानगरको वडानं.१८ बडहर्वाका दर्जनौं घर डुवानमा परेका छन् । हजारौं विगाहमा लगाईएको धानबाली नष्ट भएको छ । बाढीको पानिले बडहर्वा चोकमा रहेको संझना होटल, आशा श्रेष्ठ, रंजित राउत कुर्मी, शेर बहादुर लामा, विनिल अधिकारी, शान्ती कुर्मीन, शान्ती थापा, सविना थापा, रितु ठकुरी लगायत दर्जनौं घर डुवानमा परेको छ । यस्तै वाढीले बडहर्वा खेल मैदान, मौवादेवी मन्दिर क्षेत्र समेत डुवानमा परेको छ ।
बालगंगा खोलामा आएको वाढीले सिमरा बडहर्वा सडक अवरुद्ध बनेको छ । यस्तै कलैया नगरपालिका २४ को सखुईमा किसानहरुको पाकेको चार विगाह धानबालिमा क्षेती पुरेको स्थानिय प्रेम यादवले बताए । बाढिको पानी गाउँमा पसेपछी डुवान सुरु भएको उनको भनाई छ ।
हाल सम्म कुनै किसिमको मानविय क्षेती नभएपनी अन्नबाली, खाधान्न, लत्ताकपडा बाढीले बगाउँदा समस्या भएको छ । जितपुरसिमरा १८ बडहर्वाकी शान्ती कुर्मीको फुसको घर डुब्दा अन्नपात, कपडा, भांडा बर्तन बाढीले बगाएको छ । उनी र उनको परिवार स्थानियको शरण रहेको कर्मीले बताईन् ।
बालगंगा खोला निर्माणाधिन पक्की पुलका क्रममा खोलामा आएको बाढीको वहाव अन्यत्र फैलिँदा बाडी बस्तीमा पस्ने जोखिम बढेको स्थानियको भनाई छ । तीनबर्षमा सक्के गरी ४बर्ष वित्नै लाग्दा समेत आश्रे निर्माण कम्पनीको ढिलासुस्ती र लापरवाहीले बालगंगा नदिको बाढी गाउँ पसेको बडहर्वाका स्थानिय भरत सुवालले बताए ।
यस्तै पसाहखोलमा आएको बाढीले कलैया उपमहानगरपालिका २१ को भोडाहा, १६ को सोनरनिया क्षेत्रमा लागाईएको सय विगाह बढी धानबालिमा समेत क्षेतीपुगेको २१का अध्यक्ष पुनदेव प्रसाद रौनियारले बताए ।
खोला पैनीमा आएको बाढी र बर्षाले जिल्लाका महानगढिमाई नगरपालिका,प्रसौनी गाउँपालिका, करैयामाई गाउँपालिका,कोल्हवी नगरपालिका , निजगढ नगरपालिका लगायतका स्थानमा पानीले सामान्य क्षेती पु¥याएको बाराका प्रमुख जिल्ला अधिकारी रुद्रप्रसाद पंडितले बताए ।
प्रतिक्रिया दिनुहोस