सर्लाही । बलात्कार तथा एसिड आक्रमण घटनामा संलग्न व्यक्तिलाई कडा कारवाहीको माग गर्दै सर्लाहीमा बिरोध प्रदर्शन गरिएको छ । देशमा अत्यधिक रूपमा बढ्दै गैरहेको श्रिँखलाबद्ध बलात्कार र एसिड आक्रमण जस्तो जघन्य अपराधका घटनामा संलग्नलाई कडा भन्दा कडा (फाँसी)कानुन बनाएर राज्यले नारीको सुरक्षा गरोस् भन्ने दबाब दिने उद्देश्यले आज सर्लाहीसहित देशभर शान्तिपुर्ण बिरोध प्रदर्शन गरिएको छ ।
बिहान ९ बजेदेखि १० बजेसम्म एक घण्टा विरोध प्रदर्शन गरिएको हो । सर्लाहीमा लालबन्दी, नवलपुर, हरिपुर, हरिवन लगायतका स्थानमा युवा युवतीहरू बलात्कार तथा एसिड आक्रमणको घटनामा संलग्नहरूलाई कडा कानुनी कारवाहीको माग गर्दै पर्चा, पप्लेट बोकेर सडकमा निस्किएका थिए ।
प्रदर्शनमा जो बोल्दैन उ बलात्कारी, जो सुन्दैन उ बलात्कारी, तिमी बलात्कारी, मौन बसेको सरकार किन बढ्दै छ बलात्कार, छोटो लुगाले होइन छोटो सोचले हुन्छ बलात्कार जस्ता नारा लेखिएको प्ले कार्ड सहित् बिभिन्न दलका जनप्रतिनिधीहरू, विद्यार्थी,ब्यबसायिहरू महिला अधिकारकर्मिहरूको उपस्थिती रहेको थियो ।
प्रदर्शन कार्यक्रम समापनछी प्रयोग भएका प्ले कार्ड पर्चा पम्प्लेट पानीका बोतल लगायतका फोहोरह? प्रदर्शनकारी आँफैले ब्यबस्थापन गरेका छन ।
प्रतिक्रिया दिनुहोस