जीतपुरसिमरा उपमहानगरपालिकाका नगर प्रमुख राजन पौडेलले महिला सचेतनाका कार्यक्रमलाई बैज्ञानिक दृष्टिकोण बनाउनु पर्ने बताउनुभएको छ । खास गरी ऋषिपञ्चमी पर्वमा राजस्वाला भएका महिलाहरुको बारेमा भनिएका कुरामा बिचार, विमर्श र बहस गर्न आवश्यक रहेको उहाँले बताउनुभएको हो ।
सिमरा महिला वचत तथा ऋण सहकारी संस्थाको शनिवार १५ औँ साधारण सभालाई सम्बोधन गर्दै उहाँले धार्मिक कुरा गर्दा विवादित हुने भन्दै अब बैज्ञानिक दृष्टिकोण बनाउनुपर्ने कुरामा जोड दिनुभयो ।
यसैगरी कार्यक्रमलाई सम्बोधन गर्दे जीतपुरसिमरा उपमहानगरपालिकाका नगर उपप्रमुख भोला अधिकारीले सिमरा महिला वचत तथा ऋण सहकारीले महिलाको जीवन स्तरमा ल्याएको आर्थिक परिर्वनतको मुक्तकण्डले प्रशन्सा गर्नुभयो ।
उहाँले सिमरा महिला वचत तथा ऋण सहकारी पुर्ण सहकारीको सिद्धान्तमा संचालनमा रहेकोले यस सहकारीलाई नगरबाट सहयोग गर्ने प्रतिबद्धता समेत ब्यक्त गर्नुभयो । खास गरी महिला पुर्नस्थापना केन्द्र निर्माण कार्य सम्पन्न भएपनि संचालन गर्न केहि आर्थिक र कानुनी जटिलता रहेको जीकिर गर्दै उहाँले पालिकाले यस नेक कार्यलाई पुरा गर्न थप योजना बनाउने प्रतिबद्धता ब्यक्त गर्नुभयो ।
कार्यक्रमका विशिष्ठ अतिथी समेत रहनुभएका नगर उपप्रमुख अधिकारीले आर्थिक र समाजीक रुपमा पछाडि परेका महिलाहरुलाई आत्मनिरभर बनाउन यस सहकारीले खेलेको भुमिप्रती मुक्तकण्डले प्रशान्सा गर्नुभयो ।
सिमरा महिला वचत तथा ऋण सहकारी संस्थाकी अध्यक्ष अनिता लम्साल अधिकारीले संस्थाको कुल चुक्ता पूँजी १ करोड ३१ लख ६५ हजार ४ सय, निक्षेप ८ करोड ८ लाख ८० हजार ३सय ९४ , कर्जा प्रवाह ९ करोड ५१ लाख, २८ हजार, ४ सय ३९, जगेडा कोषमा १ करोड, १ लाख १ हजार १सय ५१ रुपियाँ र खुद मुनाफा ६३ लाख ६२ हजार २सय ४७ रुपियाँ रहेको जानकारी गराउनुभएको थियो ।
सहकारीले यस संस्थामा आवद्ध उत्कृष्ट व्यवसायी पुरस्कारबाट चौतारी समूहकी किरण राय र सिर्जनशील समूहकी धनमती थरुनीलाई पुरस्कृत गरिएको थियो । त्यसैगरी उत्कृष्ट कर्जा तर्फ ओम शानित समूहकी ज्योति श्रेष्ठ र दक्षिणकाली समूहकी भीमकुमारी उपाध्यायलाई पुरस्कृत गरिएको थियो ।
यसैगर िसहकारीले आफ्नो १५ औँ वार्षिक साधारणसभाको अवसर पारेर स्थानीय निर्वाचनबाट निर्वाचित जनप्रतिनिधिहरु जीतपुरसिमरा उपमहानगरपालिकाका नगर प्रमुख राजन पौडेल, उपप्रमुख भोला अधिकारी, वडा नं १, २, ३, ४, ९ र १४ का वडाध्यक्ष तथा सदस्यहरुलाई सम्मान पत्र प्रदान गरिएको थियो ।
यस्तै उत्कृष्ट वचततर्फ सुनौलो समूहकी बबितादेवी राय र हिमगंगा समूहकी मन्दिरा देवी ढुंगेललाई पुरस्कृत गरिएको थियो । यस्तै उत्कृष्ट कर्मचारीका रुपमा निर्मला सुवेदीलाई सम्मान गरिएको थियो । यसरी नै उत्कृष्ट समूह सम्मानबाट छिमेकी वचत समूह र महिला कल्याण बचत समूह सम्मानित भएका थिए ।
संस्थाका अध्यक्ष अनिता लम्सालको अध्यक्षतामा सम्पन्न कार्यक्रममा जील्ला सहकारी सँघका अध्यक्ष सतेन्द्र ठाकुर, प्रेस चौतारी नेपाल मधेश प्रदेशका प्रदेश उपाध्यक्ष अनिल तिवारी, सञ्चारकर्मी विदुर खड्का लगायतको उपस्थीती रहेको थियो ।
कार्यक्रममा वागत मन्तव्य मुना खरेल, धन्यवाद ज्ञापन संस्थाका सदस्य सनम पौडेलले गर्नुभएको थियो भने कार्यक्रमको सहजीकरण सचिव भिमादेवी पौडेलले गर्नुभएको थियो ।
सिमरा महिला पत्रकारिता पुरस्कार
साकोसले यस वर्षको सिमरा महिला पत्रकारिता पुरस्कारबाट सञ्चारकर्मी सीता अधिकारीलाई सम्मान गरेको छ । सयपत्री अनलाइन र रेडियो सिमरामा आवद्ध सञ्चारकर्मी अधिकारीलाई सहकारीका क्षेत्रमा कलम चलाइ समुदायलाई सुसूचित गर्न योगदान दिएको भन्दै सहकारीले ५ हजार १ सय नगद पुरस्कारसहित सम्मान पत्रले सम्मानित गरेको हो ।
प्रतिक्रिया दिनुहोस