सिमरा : बारा जिल्लाको जीतपुरसिमरा उपमहानगरपालिकाको वडा न ७ जीतपुरमा रहेको श्री फकिरा गिरि राजेश्वर गिरि माध्यमिक बिद्यालयको बुधवार व्यवस्थापन समिति गठन गरिएको छ ।
शिक्षा ऐन २०७४ को अनुसार नगरपालिका र वडाको निर्णय बाट श्री फकिरा गिरि राजेश्वर गिरि माध्यमिक बिधयालयको व्यवस्थापन समितिको अध्यक्षमा वडा न ७ को वडा अध्यक्ष सुनिल कुमार गुप्ता सर्वसम्मतले चयन भएको छ ।
श्री फकिरा गिरि राजेश्वर गिरि माध्यमिक बिद्यालय जीतपुरको प्रांगणमा बुधवार आयोजना गरिएको अभिभावक भेला बाट सुनिल कुमार गुप्ताको अध्यक्षतामा ४ सदस्यीय समिति अभिभावकहरुको सर्वसम्मतिले चुनिएको छ । श्री फकिरा गिरि राजेश्वर गिरि माध्यमिक बिद्यालयको व्यवस्थापन समितिको रिंकु देवी कानु महिला सदस्य ,रमेश कुमार सहनी,अफरोज आलम र बिद्यालय शिक्षक अभिभावक संघको अध्यक्ष अफताब मिया ठकुराई सर्वसम्मतले सदस्यमा चुनिएको छ ।
अभिभावक भेला कार्यक्रमको प्रमुख अतिथि रहेको प्रदेश सभा सदस्य देवनारायण चौधरीले आफु शिक्षा क्षेत्रमा प्रवेश गरेको बिद्यालयको कार्यक्रममा सहभागी हुदा निकै नै गर्व महासुसु गरेको र आउदो दिनमा प्रदेश सभा सदस्यको हैसियतले श्री फकिरा गिरि राजेश्वर गिरि माध्यमिक बिद्यालयलाई सक्दो सहयोग गर्ने प्रतिबद्धता जनाउनु भयो । उहाँले सुनिल कुमार गुप्ताको अध्यक्षतामा गठन भएको ४ सदस्यीय बिद्यालय व्यवस्थापन समितिको सम्पूर्ण सदस्यलाई बधाई को साथ् साथै कार्यकालको सफलता को कामना गर्नु भयो ।
यस्तै कार्यक्रमको विशिष्ट अतिथि रहेको जीतपुरसिमरा उपमहानगरपालिकाको उपप्रमुख भोला प्रसाद अधिकारीले श्री फकिरा गिरि राजेश्वर गिरि माध्यमिक बिद्यालय पुराना बिद्यालय रहेको र धेरैले यो बिद्यालय बाट शिक्षा लिएर देशको उच्च ओहदामा समेत पुगेको बताउनु भयो । उहाँले आफु नगर उपप्रमुखको हैसियतले बिद्यालयको पूर्वाधार देखि लिएर खाने पानि पठनपाठनमा आवशयक पर्ने समान उपलब्ध गराउने बताउनु भयो ।
श्री फकिरा गिरि राजेश्वर गिरि माध्यमिक बिद्यालयको पूर्व अध्यक्ष रामबाबु प्रसाद कलवारले आफु सुनिल गुप्ताको अध्यक्षतामा गठन भएको समितिलाई सहयोग गर्ने र बिगतको कार्यकालमा उहाँले बिद्यालयको लागि गरेको कार्यहरुको बारेमा सबै समक्ष जानकारी गराउनु भएको थियो । नवगठित बिद्यालय व्यवस्थापन समितिको सबै सदस्यलाई उहाँले हार्दिक बधाई एवं सफल कार्यकालको शुभकाम व्यक्त गर्नु भएको थियो ।
कार्यक्रमलाइ समापन गर्दै वडा न ७ को अध्यक्ष एव श्री फकिरा गिरि राजेश्वर गिरिको अध्यक्ष सुनिल कुमार गुप्ताले अब आफुले आफ्नो कार्यकाल भित्र नै बिद्यार्थी संग कुनै शुल्क समेत न लिने गरेको र यस बिद्यालय बाट छिटै बैचलर लेभलको पढाई हुने गरि व्यवस्था गर्ने बताउनु भयो ।
कार्यक्रममा प्रदेश सभा सदस्य देवनारायण चौधरी, नगरउपप्रमुख भोला प्रसाद अधिकारि, जीतपुरसिमरा उपमहानगर खेलकुद तथा शिक्षा शाखा प्रमुख शिवजी प्रसाद लगाएत पुरानी व्यवस्थापन समितिको अध्यक्ष र सदस्यलाई सम्मान समेत गरेको छ । उक्त अभिभावक भेला कार्यक्रममा बिद्यालयको शिक्षक, शिक्षिका, जनप्रतिनिधि, पत्रकारहरुको उपस्थिति रहेको थियो ।
प्रतिक्रिया दिनुहोस