५४१ पाठक संख्या सुर्खेत : कर्णाली प्रदेशका मुख्यमन्त्री महेन्द्र बहादुर शाही घोडाबाट लडेर घाइते भएका छन् । हुम्ला जिल्लाको निरीक्षणका क्रममा मुख्यमन्त्री शाही घोडाबाट लडेर घाइते भएका हुन् ।
शनिबार सदरमुकामबाट सिमकोट गाउँपालिका वडा नं ३ को तोर्पा, बरगाउँदै हुँदै लिमाटाङ्ग जाने क्रममा हुडि गाउँ र लिमाटाङ्ग गाउँको बीचमा पर्ने खोलामा घोडाबाट लडेर मुख्यमन्त्री शाही सामान्य घाइते भएका छन् ।
शाहीको टाउकोमा चोट लागेको र अवस्था सामान्य रहेको कर्णाली प्रदेश अस्पतालले जनाएको छ ।
अस्पतालका कन्सल्टेण्ट फिजिसियन डा. के.एन. पौडेलले मुख्यमन्त्री शाहीले निवासमै आराम गरिरहेको र आफूसहितको टिम शाहीको उपचारका लागि तयारी अवस्थामा रहेको जानकारी दिएका छन् ।
प्रतिक्रिया दिनुहोस