३४८ पाठक संख्या ३१ श्रावण, बारा । पाकिस्तानको कराँची शहरको बाहिरी इलाकामा भएको एक ग्रेनेड हमलामा एकै परिवारका १२ जनाको मृत्यु भएको छ भने ९ जना घाइते भएका छन् ।
स्रोतलाई उद्धृत गर्दै दिएको जानकारीमा एक विवाह समारोहमा सहभागी भएर फर्किरहेको एक परिवार सहित २५ जना सवार मिनि ट्रकमा हमला भएको हो । घटनामा ६ महिला र चार बालबालिका सहित १२ जनाको मृत्यु भएको हो ।
बलदिया इलाकामा भएको यो घटनामा सुरुमा सिलिन्डर बिस्फोट भएको बताइएको थियो । पछि कराँची प्रहरीले आतंकवाद विरोधी दस्ताका एक अधिकारी रजा उमर खत्ताबले सिलिन्डर बिस्फोट भएको सम्भावना नदेखिएको बताउँदै ग्रेनेड बिस्फोट भएको प्रमाण भेटिएको जानकारी दिए ।
उनका अनुसार घटनास्थलमा एउटा बम भेटिएको र हमलामा प्रयोग गरिने केही अन्य सामान पनि भेटिएको छ ।
गुडिरहेको मोटरसाइकलबाट मिनी ट्रकमा स्थानीय स्तरमा बनाइएको बम मार्फत् बिस्फोट गरीएको प्रहरीको जानकारी दिएको छ । ट्रकमा छर्रा र नट बोल्टका थुप्रै निशान पनि पाइएका छन् ।
प्रतिक्रिया दिनुहोस