AP Khabar२०७६ फागुन ११, आईतबार (४ साल अघि)
५३६ पाठक संख्या फाल्गुन ११ काठमाडौं ।
शहीद स्मारक बि डिभिजन लिगको उद्घाटन खेलमा श्री कुमारी क्लबलाई हराउँदै बोईज युनियन क्लबले विजयी सुरुवात गरेको छ ।
सातदोबाटोस्थित एन्फा कम्प्लेसमा आइतबाट शुरू भएको बि डिभिजन लिगको पहिलो खेलमा बोइज युनियनले कुमारी क्लबलाई २–० गोल अन्तरले हराएको हो । उसको जितमा वर्तमान राई र प्रदीप बोगटीले एक एक गोल गरे ।
वर्तमानले ४१औँ मिनटमा गोल गर्दै बोइजलाई पहिलो हाफमा १–० को अग्रता दिलाएका थिए । यसपछि दोश्रो हाफको ७६औँ मिनटमा प्रदिपले गोल गर्दै बोईजलाई २–० को अग्रता दिलाए ।
खेलको इन्ज्युरी समयमा बोईज युनियनका अरुण लिम्बुलाई फाउल गर्दै लडाएपछि श्री कुमारीका गणेश बडुवालले रेड कार्ड खादै मैदान छोडे । जितसँगै बोईजले लिगमा तिन अंक जोडेको छ ।
प्रतिक्रिया दिनुहोस