३२२ पाठक संख्या
भरतपुर अस्पतालमा उपचाररत् कोरोना संक्रमितको मृत्यु भएको छ । चितवनको कालिका नगरपालिका–७ जुटपानी बस्ने ६२ वर्षीय पुरुषको आइतबार बिहान उपचारका क्रममा मृत्यु भएको अस्पतालका सूचना अधिकारी लिलाधर पौडेलले जानकारी दिए ।
असोज १६ गते साँझ ६ बजे उनलाई कोरोना संक्रमणसहित खोकी, श्वासप्रश्वासमा समस्या भई कोभिड आइसियूमा भर्ना गरिएको थियो ।
यस्तै बाँकेमा आज थप एक जना कोरोना संक्रमितको मृत्यु भएको छ । नेपालगञ्ज मेडिकल कलेज शिक्षण अस्पताल कोहलपुरमा उपचार गराइरहेकी एक महिलाको मृत्यु भएको हो ।
मृत्यु हुनेमा महेन्द्रनगर–२ कञ्चनपुरका २९ वर्षीया सुत्केरी महिला रहेकी छिन् । सेती अस्पतालमा जुम्ल्याहा सन्तान जन्माएदेखि नै उनमा स्वास्थ्य समस्या देखिएको थियो । उनमा असोज १४ गते कोरोना संक्रमण पुष्टि भएको थियो ।
प्रतिक्रिया दिनुहोस