२८६ पाठक संख्या सिमराः जीतपुरसिमरा उपमहानगरपालिकाले राष्ट्रिय परिचय पत्रको विवरण संकलन गर्नको लागि दर्ता स्टेशन को स्थापना गर्न लागेको छ । जीतपुरस्थित वडा नं. ७ को कार्यालयमा दर्ता स्टेशन राख्ने तयारी गरेको वडा न ७ ले जारि गरेको पत्रमा उल्लेख गरिएको छ ।
जीतपुरसिमरा उपमहानगरपालिकाले यहि पुस १७ गते आइतवारदेखी दर्ता स्टेशन सुरु गर्ने भए पछि अब राष्ट्रिय परिचय पत्र बनाउन जिल्ला प्रशासन र ईलाका प्रशासन कार्यालय जानु पर्ने बाध्यताको अन्त्य हुने भएको छ ।
उक्त कार्यका लागि केन्द्रबाट एक जना प्राविधिक सहयोगी खटिएका छन् । प्राविधिक सहयोगीले अनलाइन फारम भर्ने र फोटो खिच्ने काम गर्छन् र सोको रुजु अधिकृत सुदन चौधरीले गर्ने वडा न ७ कार्यालयले जनाएको छ ।
परिचय पत्र बनाउन चाहने नगरबासीले दर्ता स्टेशनबाट सेवा लिन सक्ने भए पछि राष्ट्रिय पत्र बनाउने व्यक्तिहरु हर्षित समेत भएको छ ।परिचय पत्रका बनाउनका लागि आवश्यक पर्ने कागजात उल्लेख गर्दै वडा न ७ ले सूचना समेत जारी गरिसकेको छ ।
प्रतिक्रिया दिनुहोस