२१४ पाठक संख्या सिमराः बाराको पचरौताबाट हतियारसहित एक भारतीय नागरिक आईतवार राती पक्राउ परेको छ । पक्राउ पर्नेमा पूर्वीचम्पारण मोतिहारी १६ घर भएका ४० वर्षीय चन्दनकुमार रहेको सशस्त्र प्रहरीले जनाएको छ।
सशस्त्र प्रहरीले उनको साथबाट तीन राउण्ड गोली लोड भएको पेस्तोल र त्यसमा लाग्ने थप चार राउण्ड गोली बरामद गरेको छ
पैदल गस्ती गरिरहेका सशस्त्र प्रहरीले चन्दनकुमारको हाउभाउ अस्वभाविक देखेपछि चेकजाँच गरेको र मोडल नम्बर २०२२ आरएफआइ पेस्तोल बरामद गरेको सशस्त्र प्रहरी बल नेपाल नं. १२ गण हेडक्वाटरका सूचना अधिकारी एवम् सशस्त्र प्रहरी नायब उपरीक्षक अमरबहादुर खत्रीले जानकारी दिए ।
पेस्तोलसहित पक्राउ परेका चन्दनकुमारलाई आवश्यक कारवाहीका लागि सिम्रौनगढस्थित इलाका प्रहरी कार्यालयमा बुझाइएको छ।
प्रतिक्रिया दिनुहोस