बारा : जिल्ला प्रहरी कार्यालय बाराले शुक्रबार चार सय ३० किलो गाँजा नष्ट गरेको छ । प्रहरीले विभिन्न मिति र स्थानबाट बरामद गरेको लागुऔषध गाँजा नष्ट गरेको हो । अबैध रुपमा चोरी पैठारी गरेर लागिरहेको गाँजा बरामदपछि कार्यालयमा सुरक्षित राखिएको थियो ।
लागुऔषध गाँजा प्रहरीले जिल्ला प्रहरी कार्यालयको परिसर भित्र खाल्डो खनेर गाँजा हालेर माटो पुरेर नष्ट गरेको हो ।प्रहरीले विभिन्न मिति र स्थानबाट बरामद गरेको गाँजा जम्मा गरेर राखेको र शुक्रबार पत्रकार र जनप्रतिनिधिको रोहवरमा ४३० केजी गाँजा नष्ट गरिएको जिल्ला प्रहरी कार्यालय बाराका प्रहरी उपरीक्षक सुरेश काफ्लेले बताउनु भयो ।
त्यस्तै उहाँले जिल्ला प्रहरी कार्यालय बाराको लागुऔषध नियन्त्रण अभियान अन्तर्गत बारा प्रहरीले स्थानीय तहमा भईरहेको गाँजा सेवन र गाँजा बिक्रि वितरणलाई पूर्ण रुपले नियन्त्रण गर्नमा प्रहरी लागिपरेको समेत उहाँले बताउनु भएको छ ।
प्रतिक्रिया दिनुहोस