AP Khabar२०७५ पौष २०, शुक्रबार (५ साल अघि)
४६० पाठक संख्या महोत्तरी , पौष २० : महोत्तरीको जलेश्वर नगरपालिका–८ बजराहीमा वन माहुरीले टोक्दा एक महिलासहित चारजना गम्भीर बिरामी भएका छन् ।
वन माहुरीको टोकाइबाट ४५ वर्षीया शलतियादेवी साह, ४० वर्षीय मोहन साह, १४ वर्षीय अहमद अन्सारी र १३ वर्षीय सागिर राइन गम्भीर बिरामी भएको स्थानीयवासी महेन्द्र साहले बताउनुभएको छ ।
चारै जनाको जिल्ला अस्पताल जनकपुरमा उपचार भइरहेको छ । शलतियादेवीको अवस्था गम्भीर रहेको उहाँका पति मुसाफिर साहले बताउनुभयो ।
बिहीबार साँझ घाँसपात लिन घरबाट ५०० मिटर दूरीमा रहेको बगैंँचामा गएको बेला अचानक वन माहुरीको गोलाले आक्रमण गरी चारै जना गम्भीर घाइते भएका थिए ।
जनता समाचार
प्रतिक्रिया दिनुहोस