AP Khabar२०७५ पौष २०, शुक्रबार (५ साल अघि)
३५४ पाठक संख्या चितवन , पौष २० : प्रदेश नं ३ का मुख्यमन्त्री डोरमणि पौडेलको प्रमुख राजनीतिक सल्लाहकारमा नेपाल कम्युनिस्ट पार्टी (नेकपा)का नेता जगन्नाथ थपलिया नियुक्त हुनुभएको छ ।
बिहीबार बसेको मन्त्रिपरिषद् बैठकले उहाँलाई मुख्यमन्त्री पौडेलको प्रमुख राजनीतिक सल्लाहकारमा नियुक्त गरेको हो ।
थपलिया नेकपाको प्रदेश नं ३ का सदस्य हुनुहुन्छ । तत्कालीन नेकपा एमाले चितवनका पूर्वअध्यक्ष थपलियाले अनेरास्ववियूको केन्द्रीय सचिव, नेपाल कमर्स क्याम्पस मिनभवनको दुईपटक स्ववियू सभापति, होटल मजदूर युनियन केन्द्रीय समितिको संस्थापक संयोजक, जिल्ला विकास समिति चितवनको उपसभापति रहेर पार्टीमा योगदान पुर्याउनुभएको छ ।
खैरहनी नगरपालिका वडा नं ८ निवासी थपलियाले व्यवस्थापनमा स्नातकोत्तर गर्नुभएको छ । उहाँले भरतपुरको सप्तगण्डकी बहुमुखी क्याम्पसको प्रमुखका रुपमा रहेर काम गरिसक्नुभएको छ । सल्लाहकार नियुक्त भएपछि उहाँले प्रदेश नं ३ लाई विकासमा अग्रणी प्रदेशका रुपमा स्थापित गराउन सहयोगी बन्ने बताउनुभयो ।
जनता समाचार
प्रतिक्रिया दिनुहोस