जेठ ०२ झापा । दमक नगरपालिकामा महिलालाई जिस्क्याएकाे निहुँमा युवामाथि खुकुरी प्रहार भएको छ । दमक ५ मा बुधबार राति युवामाथि खुकुरी प्रहार भएको हो ।
खुकुरी प्रहारबाट दुईजना घाइते भएका छन् । दमक ५ का दीपक चौलागाइले खुकुरी प्रहार गर्दा त्यही ठाउँका यादव राई र उनकी पत्नी पेमा तामाङ घाइते भएको प्रहरीले जनाएको छ ।
राईको टाउकोमा चोट लागेको छ । उनको विराटनगरस्थित न्यूरो अस्पतालमा उपचार भइरहेको प्रहरीले जनाएको छ । पेमालाई सामान्य चोट लागेको छ ।
दमक ५ की बिन्दु थापालाई यादवले मोबाएलमा म्यासेज पठाएर अनाब्यस्यक दुख दिएका कारण बिन्दुकै आग्रहमा चौलागाईले राईमाथि खुकुरी प्रहार गरेको प्रहरीको अनुमान छ । बिन्दुलाई अनुसन्धानका लागि प्रहरीले पक्राउ गरेको छ ।
प्रतिक्रिया दिनुहोस