पौष १३ काठमाडौं ।
रुपन्देहीस्थित यातायात व्यवस्था कार्यालयले मोटो रकम असुलेर गाडी चलाउने ट्रायल परीक्षामा फेल र अनुपस्थित भएका ७१ जनालाई लाइसेन्स वितरण गरेको खुलेको छ ।
तत्कालीन कार्यालय प्रमुख आनन्दकेशरी पोखरेलले अनियमितता गरी लाइसेन्स वितरण गरेको उजुरी छानबिनका क्रममा ट्रायलमा फेल र अनुपस्थितलाई पास गराएको पाइएको अख्तियारले जनाएको छ ।
यसरी अनियमितता गरी लाइसेन्स बाँडेको अभियोगमा उपसचिव पोखरेल र तत्कालीन पश्चिम क्षेत्रिय ट्राफिकका प्रहरी निरीक्षक रवीन्द्र श्रेष्ठविरुद्द आयोगले विशेष अदालतमा मुद्दा दायर गरेको छ ।
आयोगका अनुसार दुवैले परीक्षाको नतिजा फेरबदल गरी प्रतिव्यक्ति १० देखि २५ हजार रुपैयाँका दरले पैसा लिएर ७१ जनालाई लाइसेन्स दिएको कान्तिपुरमा समाचार छ ।
प्रतिक्रिया दिनुहोस