अखिलेश कुमार यादव २०८० श्रावण ४, बिहिबार (९ महिना अघि)
११४ पाठक संख्या बारा : सिम्रौनगढ नगर अस्पतालका स्वास्थ्यकर्मी र वडा कार्यालयका कर्मचारीहरू आन्दोलित हुँदा ४ दिन देखि स्वास्थ्य सेवा र वडा कार्यालय बाट प्रदान हुने सेवा बन्द गरिएको छ । अस्पतालमा कार्यरत करार र ज्यालादारीमा भर्ना गरिएका स्वास्थ्यकर्मी र कर्मचारीहरुले तलबसहित विभिन्न माग राखेर नगर अस्पतालको मुख्य गेटमा तालाबन्दी गरी धर्नामा बसेका छन् ।
कोभिड महामारीको समयमा सिम्रौनगढ नगरपालिकाले करोडौं लगानी गरेर सञ्चालनमा ल्याएको सुविधा सम्पन्न अस्पताल सोमबारदेखि अनिश्चितकालका लागि बन्द गरिएको छ । कोराना कालमा सुलभ र छिटो स्वास्थ्य सेवा दिने उद्देश्यले सञ्चालनमा ल्याइएको १५ शय्या क्षमता भएको अस्पताल बारम्बार बिभिन्न विवादको कारण बन्द हुने गरेको छ ।तलब, भत्ता, अतिरिक्त काममा थप भत्ता, चाड पर्वभत्ता र सेवा अवधि थप लगायतका मागहरु यथाशीघ्र पूरा गर्नुपर्ने मागसहित कर्मचारीहरूले अस्पतालमा तालाबन्दी गरेका हुन् । आफ्ना माग पूरा नभए थप आन्दोलनको कार्यक्रम घोषणा गर्ने उनीहरुले चेतावनी दिएका छन् । यसअघि नगरपालिकाका वडा कार्यालयमा कार्यरत करार सेवाका कर्मचारीहरुले आइतबारबाट वडा कार्यालयमा तालाबन्दी गरेर सेवा ठप्प पार्दै आएका छन् ।
सिम्रौनगढ नगर अस्पताल प्रमुख डा जितेन्द्र यादवका अनुसार स्वास्थ्यकर्मीहरुले लामो समयदेखि तलब भत्ता नपाएकोले आन्दोलन गर्नुपरेको स्वास्थ्यकर्मीले आराखेको माग पुरा नभएसम्म अस्पताल संचालन न गरिएन समेत उनले बताए ।अस्पताल बन्दले ग्रामीण भेगका सर्वसाधारण निराश बनेका छन् । अस्पतालमा दैनिक करिब सय जनाले उपचार सेवा पाउँदै आएका थिए ।नगरपालिकाले दुई करोड खर्चेर २ तल्लाको १२ कोठे नगर अस्पताल आफ्नै लगानीमा निर्माण गरी सञ्चालनमा ल्याएको थियो । त्यसपछि यस क्षेत्रका बासिन्दाहरू सहज उपचार सुविधा पाउन थालेका थिए ।
सिमरौनागढ़ नगरअस्पताल प्रमुख जितेन्द्र यादवले समयमै नगर अस्पतालको खर्च बिबरण र कर्मचारीहरुको तलब भत्ता बारे हिसाब जिताब न दिएकोले तलब समयमा न पाएको नगरप्रमुख किशोरी प्रसाद कलवारले बताए ।नगरउपप्रमुखको संयोजकमा समिति गठन भएको र समितिले बुझाएको प्रतिवेदनको आधारमा अब को ५ दिनमा नगरअसपतालमा कार्यरत कर्मचारीहरुले तलब पाउने उनले भने ।नगरअसपतालमा दैनिक ज्यालादारीमा र करारमा कार्यरत कर्मचारीहरुलाई हटाएर स्थायी दरबन्दी रहेका स्वास्थ्यकर्मीलाई राखेर सेवा संचालन गरिने नगरपालिकाले जनाएको छ ।
प्रतिक्रिया दिनुहोस