४७७ पाठक संख्या इन्डियन प्रिमियर लिग (आईपिएल) क्रिकेटमा गएराति कोलकाता नाईट राईडर्सले चेन्नेई सुपर किंग्सलाई १० रनले हराएको छ ।
आबुधावीमा भएको खेलमा टस जितेर पहिले ब्याटिङ गरेको कोलकाताले निर्धारित २० ओभरमा अलआउट हुँदै १ सय ६७ रन बनायो । उसका लागि सुरुवाती व्याट्सम्यान राहुल त्रिपाठीले ८१ रन बनाए । बलिङतर्फ चेन्नाईका ड्वेन ब्राभोले ३ विकेट लिए ।
जवाफमा १ सय ६८ रनको लक्ष्य पछ्याएको चेन्नेईले २० ओभरमा ५ विकेट गुमाएर १ सय ५७ रन मात्रै जोड्न सक्यो । उसका लागि सेन वाट्सनले सर्वाधिक ५० रन जोडे ।
आईपिएलको जारी सिजनमा चेन्नाईको यो ६ खेलमा चौथो हार हो भने कोलकाताको ५ खेलमा तेस्रो जित हो । यो जितसँगै कोलकाता पाँच खेलबाट ६ अंक जोड्दै तालिकाको तेस्रो स्थानमा उक्लिएको छ ।
एक खेल बढी खेलेको चेन्नाईको भने ४ अंक मात्रै छ । आईपिएल क्रिकेटमा आज राती सनराईजर्स हैदरावाद र किङ्स इलेभेन पन्जाव भिड्नेछन् ।
४ अंकसहित हैदरावाद तालिकाको छैटौं स्थानमा छ भने २ अंक मात्रै जोडेको पन्जाव पुछारमा रहेको छ ।
प्रतिक्रिया दिनुहोस