AP Khabar२०७६ बैशाख १३, शुक्रबार (५ साल अघि)
९२० पाठक संख्या बैशाख १३ मेयर कप टि २० किक्रेट प्रतियोगिताको सम्पुर्ण तयारी पु भएको बारा जिल्लाको प्रसौनी गाउपालिकाले जनाएको छ ।
प्रसौनिको चण्डीमाई फिल्डमा आयोजना हुन् गइरहेको कार्यक्रममा अत्याधुनिक पिच सहित खेलाडीहरुको लागि प्रतियोगिता सञ्चालन गर्ने तयारी पुरा भएको गाउपालिकाले जनाएको हो ।
यस प्रतियोगिताबाट राष्ट्र स्तरको खेलाडि उत्पादन गर्न सोच रहेको गाउपालिका अध्यक्ष भोला गुप्ताले बताएका छन । हामीले वडास्तरीय प्रतियोगिता गराएर खेलाडीलाई दक्ष र राष्ट्रिय स्तरमा प्रसौनी गाउपालिकाको विकास गर्न प्रतियोगिता आयोजना गरेको बताए ।
प्रतियोगिताको उद्घाटन खेलमा बैशाख १८ गते प्रसौनी गाउपालिका र सुर्वण गाउपालिका बिच प्रतिस्पर्धा हुनेछ । प्रतियोगिताको बिजेताले ५१ ह्जार सहित ट्रफी प्राप्त गर्नेछन भने उपबिजेताले २१ ह्जार सहित ट्रफी प्राप्त गर्नेछन ।
खेलाडिहरु वडास्तरीय प्रतियोगितामा आफनो प्रतिभा राम्रो देखाएकोले खेलाडिको विकासको लागि गाउपालिका स्तरीय मेयर कप टि २० प्रतियोगिताको आयोजना गरेको प्रसौनी गाउपालिका उपाध्यक्ष गिता साहले बताईन ।
त्यस्तै खेलको म्यान अफ द म्याच खेलाडीले नगद ५ हजार रुपैयाँ सहित ट्रफी प्राप्त गर्नेछन भने विधागत रुपमा उत्कृष्ट खेलाडीले ५ हजार रुपैया सहित ट्रफी प्राप्त गर्नेछन ।
बैशाख २३ गते सम्म सन्चालन हुने प्रतियोगितामा ८ वटा गाउपालिका टिमहरुको सहभागिता रहने छ ।
पत्रकार सम्मेलनमा वडाध्यक्ष आन्नद गुप्ता, कार्यकरी अधिकृत रजित यादव लक्ष्मी बैकका विपिन चौधरी, अजय गुप्ता लगायत खेलाडिको सहभागिता रहेको थियो ।
प्रतिक्रिया दिनुहोस